Moody’s халқаро рейтинг агентлигининг маълум қилишича, 4 майга қадар Россия дефолтга дуч келиши мумкин. Имтиёзли даврнинг тугаш санаси айнан 4 май ҳисобланади.
Мамлакат доллар облигациялари бўйича тўловларни рублда амалга оширган эди. Бу эса дастлабки шартнома шартларига мос келмайди.
Россия 2022 ва 2042 йилларда муддати тугайдиган иккита облигациялар бўйича тўловларни АҚШ долларида эмас, балки рублда амалга оширган эди. Дастлабки облигация шартномаларида тўлов шартлари ўзгарган. Moody’s таҳлилига кўра, агар вазият 4 майгача ўзгармаса, бу дефолт ҳисобланиши мумкин, — дейилади баёнотда.Reuters агентлигининг таъкидлашича, агар Россия дефолт давлат деб эълон қилинса, бу унинг 1917 йилдаги болшевиклар инқилобидан кейин хорижий облигациялар бўйича биринчи йирик дефолти бўлади.
Халқаро валюта жамғармаси Россия қўшинларининг Украинадаги ҳарбий амалиётига жавобан жорий қилинган санкциялар туфайли Россияда дефолт хавфи вужудга келди. Кейинчалик Россия давлат қарзини рублда тўлади.
Россия Молия вазирлигининг қайд этишича, хорижий вакиллик банки валютада операцияларни амалга оширишдан бош тортган, шу сабабдан инвесторларга 650 млн доллар рублда тўланган.
Аввалроқ Fitch Россия суверен кредит рейтингини бекор қилган эди.
Изоҳ (0)