Moody’s xalqaro reyting agentligining ma’lum qilishicha, 4-mayga qadar Rossiya defoltga duch kelishi mumkin. Imtiyozli davrning tugash sanasi aynan 4-may hisoblanadi.
Mamlakat dollar obligatsiyalari bo‘yicha to‘lovlarni rublda amalga oshirgan edi. Bu esa dastlabki shartnoma shartlariga mos kelmaydi.
Rossiya 2022- va 2042-yillarda muddati tugaydigan ikkita obligatsiyalar bo‘yicha to‘lovlarni AQSH dollarida emas, balki rublda amalga oshirgan edi. Dastlabki obligatsiya shartnomalarida to‘lov shartlari o‘zgargan. Moody’s tahliliga ko‘ra, agar vaziyat 4-maygacha o‘zgarmasa, bu defolt hisoblanishi mumkin, — deyiladi bayonotda.Reuters agentligining ta’kidlashicha, agar Rossiya defolt davlat deb e’lon qilinsa, bu uning 1917-yildagi bolsheviklar inqilobidan keyin xorijiy obligatsiyalar bo‘yicha birinchi yirik defolti bo‘ladi.
Xalqaro valyuta jamg‘armasi Rossiya qo‘shinlarining Ukrainadagi harbiy amaliyotiga javoban joriy qilingan sanksiyalar tufayli Rossiyada defolt xavfi vujudga keldi. Keyinchalik Rossiya davlat qarzini rublda to‘ladi.
Rossiya Moliya vazirligining qayd etishicha, xorijiy vakillik banki valyutada operatsiyalarni amalga oshirishdan bosh tortgan, shu sababdan investorlarga 650 mln dollar rublda to‘langan.
Avvalroq Fitch Rossiya suveren kredit reytingini bekor qilgan edi.
Izoh (0)