Наманган вилояти Чуст туманида фуқарога фермер хўжалиги ер майдонини олиб бермоқчи бўлган ҳоким ёрдамчиси ва унинг шериклари ушланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Наманган вилоят бошқармаси томонидан тезкор тадбир ўтказилган. Унда Чуст тумани ҳокимининг чегара масалалари бўйича ёрдамчиси Ф.А., Р.Н. фермер хўжалиги раҳбари Р.А. ва бошқалар хўжаликнинг «Какликқўрғон» маҳалласи ҳудудидаги 5,3 гектар ер майдонини 15 минг доллар эвазига фуқаро Н.га боғдорчилик ташкил этиш учун ажратиб беришни ваъда қилгани аниқланган. Улар олдиндан 1 минг 500 доллар ва 5,6 миллион сўмни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Самарқандда 10 гектар ерни 7,5 минг доллар эвазига танишлари орқали расмийлаштириб беришни ваъда қилган шахс ушланди
- Хоразмда пул эвазига фуқароларга субсидия асосида уй олиб беришни ваъда қилган банк кассири ушланди
- Тошкентда 4000 долларга магистратурага ўқишга киритиб қўйишни ваъда қилган кафедра мудири ва унинг шериги ушланди
Изоҳ (0)