Namangan viloyati Chust tumanida fuqaroga fermer xo‘jaligi yer maydonini olib bermoqchi bo‘lgan hokim yordamchisi va uning sheriklari ushlandi. Bu haqda Iqtisodiy jinoyatlarga qarshi kurashish departamenti xabar qildi.
Qayd etilishicha, Bosh prokuratura huzuridagi departamentning Namangan viloyat boshqarmasi tomonidan tezkor tadbir o‘tkazilgan. Unda Chust tumani hokimining chegara masalalari bo‘yicha yordamchisi F.A., R.N. fermer xo‘jaligi rahbari R.A. va boshqalar xo‘jalikning “Kaklikqo‘rg‘on” mahallasi hududidagi 5,3 gektar yer maydonini 15 ming dollar evaziga fuqaro N.ga bog‘dorchilik tashkil etish uchun ajratib berishni va’da qilgani aniqlangan. Ular oldindan 1 ming 500 dollar va 5,6 million so‘mni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Samarqandda 10 gektar yerni 7,5 ming dollar evaziga tanishlari orqali rasmiylashtirib berishni va’da qilgan shaxs ushlandi
- Xorazmda pul evaziga fuqarolarga subsidiya asosida uy olib berishni va’da qilgan bank kassiri ushlandi
- Toshkentda 4000 dollarga magistraturaga o‘qishga kiritib qo‘yishni va’da qilgan kafedra mudiri va uning sherigi ushlandi
Izoh (0)