«Тиббиётда хусусий сектор фаолиятига қўшимча қулайликлар яратиш ва соҳа ходимларини қўллаб-қувватлаш чора-тадбирлари тўғрисида» президент фармони қабул қилинди, деб хабар беради ССВ матбуот хизмати.
Унда замонавий тиббий хизматлар кўламини кенгайтириш, нодавлат тиббиёт ташкилотлари фаолиятини янада такомиллаштириш, шунингдек, 2022 йил 18 март куни ўтказилган Ўзбекистон президентининг соғлиқни сақлаш соҳаси вакиллари билан янги форматдаги «Тиббиётдаги ислоҳотлар – инсон қадри учун» мавзусидаги очиқ мулоқоти доирасида белгиланган вазифалар ижросини таъминлаш мақсад қилиб олинган.
Фармонда белгиланишича:
- эндиликда юқори малакали ва малакали мутахассислар тоифасига кирмайдиган бошқа чет эл фуқароси бўлган шифокорлар учун Ўзбекистон ҳудудида меҳнат фаолиятини амалга ошириш ҳуқуқини берувчи тасдиқнома берганлик учун йиғим миқдори 6 бараварга камайтирилиб, базавий ҳисоблаш миқдорининг 5 баравари (1,35 миллион сўм) миқдорида ундирилади;
- Ўзбекистонга қисқа муддатга (бир ойгача), шу жумладан, диагностика ҳамда даволаш амалиётларини бажариш, тажриба алмашиш дастурлари, маҳорат дарслари ўтказиш ва маърузалар ўқиш, ходимлар малакасини ошириш мақсадида келаётган чет эл мутахассисларига Ўзбекистон ҳудудида меҳнат фаолиятини амалга ошириш ҳуқуқини берувчи тасдиқнома олиш талаб этилмайди;
- Ўзбекистонда доимий яшаш жойига эга бўлмаган хорижий фуқаролар ҳамда фуқаролиги бўлмаган шахслардан даволаш муассасалари томонидан ундириладиган туристик (меҳмонхона) йиғим бекор қилинади.
Аввалроқ Ўзбекистонда 2022 йилда илгари бажарилмаган 100 та юқори технологик даволаш усулларини йўлга қўйиш режалаштирилгани тўғрисида хабар берилганди.
Мавзуга доир:
- Ўзбекистонда тез тиббий ёрдам тизимидаги айрим ходимларнинг ойлик иш ҳақига 40 фоиз устама берилиши мумкин
- «Очиқ мулоқотдан кейинги ўзгаришларни нафақат тиббиёт ходимлари, балки ҳар бир хонадон сезиши шарт» — Шавкат Мирзиёев
- «Барча марказлар раҳбарларини қатъий огоҳлантираман». Шавкат Мирзиёев апрель тиббиёт муассасалари учун синов ойи бўлишини айтди
Изоҳ (0)