28-mart kuni sog‘liqni saqlash sohasi vakillari bilan o‘tkazilgan ochiq muloqotda belgilangan vazifalarni amalga oshirish chora-tadbirlariga bag‘ishlangan videoselektor yig‘ilishi o‘tkazdi. Unda davlat rahbari tibbiyot muassasalaridagi jihozlarning sozligi bo‘yicha aniq ma’lumotlar yo‘qligini tanqid qildi, deb xabar bermoqda prezident matbuot kotibi.
Qayd etilishicha, yig‘ilishda qaysi shifoxona va laboratoriyada qanday jihoz soz yoki nosozligi bo‘yicha aniq hisob-kitob yo‘qligi ko‘rsatib o‘tilgan. Viloyat hokimlariga 25-aprelga qadar barcha birlamchi muassasalarni xatlovdan o‘tkazib ularga zarur bo‘lgan va ta’mirtalab jihozlar ro‘yxatini shakllantirish topshirig‘i berilgan. Sog‘liqni saqlash vazirligi tibbiyot asbob-uskunalariga texnik xizmat ko‘rsatish tizimini yaratish bo‘yicha taklif kiritishi belgilangan.
22 ta respublika markazi yil yakuniga qadar O‘zbekistonda ilgari bajarilmagan kamida 100 ta yuqori texnologik davolash usullarini yo‘lga qo‘yishi zarurligi ko‘rsatib o‘tilgan. Misol uchun, Gematologiya markazida maxsus operatsion kompleksni tashkil etish hisobiga oqqon kasalligiga chalingan bemorlar uchun ilik ko‘chirish amaliyotini yo‘lga qo‘yish mumkinligi aytilgan. Mutasaddilarga bu borada tegishli topshiriqlar berilgan. Mavzuga doir:- O‘zbekistonda tez tibbiy yordam tizimidagi ayrim xodimlarning oylik ish haqiga 40 foiz ustama berilishi mumkin
- “Ochiq muloqotdan keyingi o‘zgarishlarni nafaqat tibbiyot xodimlari, balki har bir xonadon sezishi shart” — Shavkat Mirziyoyev
- “Barcha markazlar rahbarlarini qat’iy ogohlantiraman”. Shavkat Mirziyoyev aprel tibbiyot muassasalari uchun sinov oyi bo‘lishini aytdi
- “Bir oylik amaliy ish tizimiga o‘tamiz”. Shavkat Mirziyoyev vazir, rahbar va hokimlar o‘zlarining oyma-oy rejasini ishlab chiqishini aytdi
