Бухоро вилоятида фуқароларни алдаб, хориждаги ўқишини Ўзбекистонга кўчириб бериш эвазига пул талаб қилган шахс қўлга олинди. Бу ҳақда Ички ишлар вазирлиги хабар қилди.
Қайд этилишича, Бухоро вилояти ИИБ Жиноят қидирув бошқармаси ҳамда бошқа ҳуқуқни муҳофаза қилувчи идоралар ходимлари ҳамкорликда тезкор тадбир ўтказган. Тадбир давомида Қашқадарё вилояти Ғузор туманида яшовчи А.Б. исмли аёл (1996 йилда туғилган) М.М. исмли аёлни алдаб, унинг қизи М.Ж.ни Тожикистон таълим муассасасидан Бухоро муҳандислик технологиялар институтига таълим олишга кўчириб беришни ваъда қилгани аниқланган. У Бухоро шаҳар И.Мўминов кўчасида жойлашган «Бухоро савдо мажмуаси» биносида кимёвий ишлов берилган 2 минг долларни олган вақтида қўлга олинган.
Ҳлат юзасидан А.Б.га нисбатан Жиноят кодексининг 168-моддаси (фирибгарлик) 1-қисми билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Мавзуга доир:
- Тошкентда 4000 долларга магистратурага ўқишга киритиб қўйишни ваъда қилган кафедра мудири ва унинг шериги ушланди
- Наманганда Қирғизистондаги ўқишини кўчириб бериш учун 5 нафар фуқародан 11,3 минг доллар олган шахс ушланди
- Қорақалпоғистонда фуқарони темир йўлга ишга киритиш учун минг доллар олган техникум директори ушланди
Изоҳ (0)