Buxoro viloyatida fuqarolarni aldab, xorijdagi o‘qishini O‘zbekistonga ko‘chirib berish evaziga pul talab qilgan shaxs qo‘lga olindi. Bu haqda Ichki ishlar vazirligi xabar qildi.
Qayd etilishicha, Buxoro viloyati IIB Jinoyat qidiruv boshqarmasi hamda boshqa huquqni muhofaza qiluvchi idoralar xodimlari hamkorlikda tezkor tadbir o‘tkazgan. Tadbir davomida Qashqadaryo viloyati G‘uzor tumanida yashovchi A.B. ismli ayol (1996-yilda tug‘ilgan) M.M. ismli ayolni aldab, uning qizi M.J.ni Tojikiston ta’lim muassasasidan Buxoro muhandislik texnologiyalar institutiga ta’lim olishga ko‘chirib berishni va’da qilgani aniqlangan. U Buxoro shahar I.Mo‘minov ko‘chasida joylashgan “Buxoro savdo majmuasi” binosida kimyoviy ishlov berilgan 2 ming dollarni olgan vaqtida qo‘lga olingan.
Hlat yuzasidan А.B.ga nisbatan Jinoyat kodeksining 168-moddasi (firibgarlik) 1-qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Mavzuga doir:
- Toshkentda 4000 dollarga magistraturaga o‘qishga kiritib qo‘yishni va’da qilgan kafedra mudiri va uning sherigi ushlandi
- Namanganda Qirg‘izistondagi o‘qishini ko‘chirib berish uchun 5 nafar fuqarodan 11,3 ming dollar olgan shaxs ushlandi
- Qoraqalpog‘istonda fuqaroni temiryo‘lga ishga kiritish uchun ming dollar olgan texnikum direktori ushlandi
Izoh (0)