Ўзбекистон ва Қирғизистон ҳукуматлари коронавирусга қарши эмланганликни тасдиқловчи расмий сертификатларни ўзаро тан олди.
Санитария-эпидемиология хизмати матбуот хизматининг маълум қилишича, томонлар миллий даражада COVID-19 пандемиясига қарши курашиш борасида, шу жумладан, иқтисодий ва ижтимоий соҳаларда амалга ошираётган кечиктириб бўлмайдиган чора-тадбирларни баҳолаган ҳолда, томонлар давлатларининг ҳудудини COVID-19 инфекциясининг кириб келиши ва тарқалишидан юқори даражада ҳимоя қилиш юзасидан кўрилаётган қатъий ва кенг кўламдаги чора-тадбирлар муҳимлигини таъкидлаб, шундай келишувга эришган.
Ушбу келишув 2022 йилнинг 26 мартидан кучга кирди.
Бундан аввал Буюк Британия, Тожикистон, Туркия, Қозоғистон билан эмланганлик сертификатларини ўзаро тан олиш келишувига эришилганди.
Изоҳ (0)