Наманган вилояти Янгиқўрғон туманида фуқароларнинг ўқишини кўчириб беришни ваъда қилган фирибгар ушланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Янгиқўрғон туман бўлими томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Унда фуқаро А.А. фирибгарлик йўли билан ўзганинг мулкини қўлга киритиш мақсадида юқори лавозимларда ишловчи танишлари орқали ҳақ эвазига фуқароларнинг Қирғизистондаги олий таълим муассасаларидаги ўқишини Наманган давлат университетига кўчириб беришни ваъда қилгани аниқланган. У 5 нафар фуқаронинг 11 минг 300 долларини қўлга киритган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Қорақалпоғистонда фуқарони темир йўлга ишга киритиш учун минг доллар олган техникум директори ушланди
- Сурхондарёда фуқаронинг Тожикистондаги ўқишини 1,5 минг доллар эвазига кўчириб беришни ваъда қилган шахс ушланди
- Андижонда Миллий гвардияга ишга ва «Дипломатия»га ўқишга киритиб қўйиш учун 32 минг доллар олган шахслар ушланди
Изоҳ (0)