Ўзбекистонда «аёллар дафтари»га киритилганларга 5 млн сўмгача кредитлар нақд берилиши мумкин

Ҳукуматнинг 31 мартдаги қарори билан «аёллар дафтари»ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш тартиби тўғрисидаги низом тасдиқланди, деб хабар бермоқда Адлия вазирлиги матбуот хизмати.

Низомга мувофиқ, «аёллар дафтари»га 30 ёшдан ошган қуйидаги хотин-қизлар киритилади:

• ижтимоий ҳимояга муҳтож ишсиз хотин-қизлар;
• тадбиркорлик қилиш истагида бўлган эҳтиёжманд хотин-қизлар;
• боқувчиси бўлмаган эҳтиёжманд хотин-қизлар;
• ижтимоий ёрдамга муҳтож I ва II гуруҳ ногиронлиги бўлган, тезкор тиббий муолажага муҳтож эҳтиёжманд хотин-қизлар;
• уй-жойга муҳтож хотин-қизлар;
• қарамоғида ногиронлиги бўлган фарзандлари бор эҳтиёжманд хотин-қизлар.

• оилавий тадбиркорлик учун — 3 ойдан 6 ойгача имтиёзли давр билан 3 йилгача;
• чорвачилик, балиқчилик, паррандачилик учун — 1 йилгача имтиёзли давр билан 3 йилгача;
• боғдорчилик, узумчилик ва лимончилик учун — 3 йилгача имтиёзли давр билан 7 йилгача ажратилади.

Қайд этилишича, мазкур низом тасдиқланиши муносабати билан «аёллар дафтари»га оид илгариги вақтинчалик тартиб бекор қилинди.