Namangan viloyati Yangiqo‘rg‘on tumanida fuqarolarning o‘qishini ko‘chirib berishni va’da qilgan firibgar ushlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Yangiqo‘rg‘on tuman bo‘limi tomonidan fuqarolarning huquq va manfaatlarini himoya qilish yuzasidan tergovga qadar tekshiruv o‘tkazilgan. Unda fuqaro A.A. firibgarlik yo‘li bilan o‘zganing mulkini qo‘lga kiritish maqsadida yuqori lavozimlarda ishlovchi tanishlari orqali haq evaziga fuqarolarning Qirg‘izistondagi oliy ta’lim muassasalaridagi o‘qishini Namangan davlat universitetiga ko‘chirib berishni va’da qilgani aniqlangan. U 5 nafar fuqaroning 11 ming 300 dollarini qo‘lga kiritgan.
Holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Qoraqalpog‘istonda fuqaroni temiryo‘lga ishga kiritish uchun ming dollar olgan texnikum direktori ushlandi
- Surxondaryoda fuqaroning Tojikistondagi o‘qishini 1,5 ming dollar evaziga ko‘chirib berishni va’da qilgan shaxs ushlandi
- Andijonda Milliy gvardiyaga ishga va “Diplomatiya”ga o‘qishga kiritib qo‘yish uchun 32 ming dollar olgan shaxslar ushlandi
Izoh (0)