Европа минтақасида ЖЧ—2022 саралаши плей-оффининг ярим финал баҳслари 24 март, пайшанба куни ўтказилди.
Португалия ўз майдонида Туркияни қабул қилиб, 3:1 ҳисобида ғалаба қозонди. Мезбонлар биринчи бўлимда Отавио ва Диогу Жота томонидан киритилган голлар эвазига ҳисобда олдинга чиқиб олди, 65-дақиқада Бурак Йилмаз ҳисобни қисқартиришга муваффақ бўлди. 90+4-дақиқада эса Матеуш Нунеш ўйинга якуний нуқтани қўйди.
Қайд этиш керак, 83-дақиқада Бурак Йилмаз 11 метрлик жарима зарбасини голга айлантира олмади.
Италия кутилмаганда ўз майдонида Шимолий Македонияга 1:0 ҳисобида енгилди ва мундиал йўлланмасидан қуруқ қолди.
Шу тариқа Европанинг амалдаги чемпиони кетма-кет иккинчи бор ЖЧни ўтказиб юборадиган бўлди. Эндиликда Португалия ЖЧ—2022 саралаши плей-оффининг финал ўйинида Шимолий Македония билан баҳс юритади.
Уэльс Гарет Бэйлнинг дубли эвазига Австрия устидан ғалабага эришди ва финал ўйинига йўл олди. Жамоа финалда Шотландия — Украина жуфтлиги ғолиби билан баҳс юритади. Қайд этиш керак, мазкур баҳс Украинадаги вазият туфайли июнь ойига қолдирилган.
Швеция кичик ҳисобда Чехиядан устун келди ва ҳал қилувчи баҳсда Польшага қарши майдонга тушади. Польша ярим финалда Россия билан ўйнаши керак эди, бироқ ФИФА Украинадаги вазият туфайли Россияни мусобақадан четлатди.
Эслатиб ўтамиз, финаллар 29 мартда бўлиб ўтади.
ЖЧ—2022 саралаши
Плей-офф, ярим финал баҳслари
24 март, пайшанба
Португалия – Туркия 3:1
Голлар: 1:0 – 15 Отавио, 2:0 – 42 Диогу Жота, 2:1 – 65 Йилмаз, 3:1 – 90 Матеуш Нунеш.Португалия: Диогу Кошта, Диогу Далот, Фонте, Данилу Перейра, Геррейру (Мендеш, 88), Моутинью (Матеуш Нунеш, 88), Отавио (Рафаэл Леау, 89), Бруну Фернандеш (Вильям Карвалью, 80), Бернарду Сильва, Роналду, Диогу Жота (Жоау Феликс, 71).
Туркия: Чақир, Челик (Язижи, 80), Демирал, Суюнжу, Кабак, Кутлу (Дурсун, 90), Чалханўғлу, Ундер, Ақтуркўғлу (Унал, 66), Кекчю (Токез, 80), Йилмаз.
Огоҳлантиришлар: Челик (34), Диогу Жота (35), Чалханўғлу (69), Демирал (76), Моутинью (86), Токез (90).
Италия – Шимолий Македония 0:1
Гол: 0:1 – 90 Трайковски.Италия: Доннарумма, Флоренци, Манчини (Кьеллини, 90), Бастони, Эмерсон, Верратти, Жоржиньо, Барелла (Тонали, 77), Иммобиле (Пеллегрини, 77), Инсине (Распадори, 64), Берарди (Жоао Педро, 89).
Шимолий Македония: Димитриевски, Ристовски, Велкоски (Ристевски, 86), Муслиу, Чурлинов, Алиоски, Адеми (Ашковски, 59), Николов (Спировски, 59), Барди, Ристовски (Миовски, 72), Трайковски.
Огоҳлантиришлар: Велкоски (80).
Уэльс – Австрия 2:1
Голлар: 1:0 – 25 Бэйл, 2:0 – 51 Бэйл, 2:1 – 64 Забитцер.Уэльс: Ҳеннесси, Робертс, Дэвис, Родон, Ампаду, Уильямс, Рэмзи, Аллен, Уилсон, Бэйл (Мифем, 90), Жеймс (Жонсон, 88).
Австрия: Линднер, Лайнер (Грегорич, 88), Драгович, Хинтереггер, Алаба, Лаймер (Калайжич, 55), Баумгартнер (Вайманн, 77), Забитцер, Шлагер (Лазаро, 77), Зайвалд, Арнаутович.
Огоҳлантиришлар: Баумгартнер (24), Уилсон (59), Лайнер (87), Уильямс (90).
Швеция – Чехия 1:0
Гол: 1:0 – 110 Квайсон.Швеция: Ольсен, Даниэлссон, Нилссон, Линдельоф, Олссон (Бенгтссон, 62), Классон (Квайсон, 62), Форсберг (Эланга, 115), Экдал (Сванберг, 72), Олссон (Карлстрем, 107), Кулусевски, Исак (Хеландер, 115).
Чехия: Васлик, Брабец, Голеш, Зима, Масопуст (Гавел, 76), Барак (Крейчи, 90), Соучек, Садилек (Сикора, 90), Янкто (Матею, 76), Кухта (Пекхарт, 83), Гложек (Лингр, 111).
Огоҳлантиришлар: Нилссон (46), Классон (52), Экдал (60), Голеш (68), Зима (71), Соучек (85), Матею (90), Олссон (103), Карлстрем (114).
Изоҳ (0)