«Рома» ҳужумчиси Тэмми Абраҳам мавсум сўнгида римликлар сафини тарк этиши мумкин.
Рим клуби 24 ёшли инглиз футболчисини 120 миллион евродан камига сотмоқчи эмас, дея хабар беради Daily Mail.
Абраҳамнинг собиқ жамоаси «Челси» 2023 йилнинг ёзидан бошлаб, футболчини 80 миллион еврога сотиб олиш ҳуқуқига эга бўлади.
«Манчестер Сити» Теммига асосий харидорлардан бири бўлиб турибди. Аммо «шаҳарликлар»нинг асосий мақсади «Боруссия Д» ҳужумчиси Эрлинг Ҳоланд ҳисобланади. Агарда норвегиялик футболчининг трансфери амалга ошмаса, раҳбарият Темми вариантида тўхталади.
Аввалроқ, Абраҳамга «Манчестер Юнайтед» қизиқаётгани хабар қилинганди.
Жорий мавсум Абраҳам «Рома» сафида барча мусобақалар доирасида 40 та ўйин ўтказиб, 23 та гол ва тўртта голли узатма муаллифига айланди.
2021 йилнинг ёзида римликлар Абраҳам учун «Челси»га 40 миллион евро тўлаганди. Шунингдек, турли бонуслар ҳам назарда тутилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)