«Бавария» ҳужумчиси Роберт Левандовски фаолиятини «Барселона»да давом эттириши мумкин.
Diario Sport хабарига кўра, Мюнхен клуби футболчиси Каталония клубига ўтмоқчи. Левандовски фаолиятида ўзгариш қилмоқчи ва ҳозир бунинг айни вақти деб ҳисоблайди.
Қайд этилишича, «Барселона» 33 ёшли футболчига 4 йиллик шартнома таклиф қилишга тайёр.
Робертнинг «Бавария» билан амалдаги шартномаси 2023 йилнинг ёзида ўз ниҳоясига етади. Аввалроқ футболчи клуб келишувни узайтириш борасидаги музокараларни бошламаганидан ранжигани ва бошқа жамоага ўтишга қарши эмаслиги ҳақида хабарлар янграганди.
Шунингдек, «Реал» ва «Челси» ҳам Левандовскига қизиқаётгани айтилган.
Маълумот учун, Роберт 2014 йилдан бери «Бавария» шарафини ҳимоя қилиб келмоқда. У 2021/22 йилги мавсумда (барча мусобақалар доирасида) 37 ўйин ўтказиб, 45 та гол ва 4 та голли узатмага муаллифлик қилган.
Изоҳ (0)