Луис Энрике ЖЧ—2022 дан кейин Испания терма жамоасини тарк этиши мумкин.
Marca’га кўра, 51 ёшли мутахассис Жаҳон Чемпионатидан кейин жамоада қолишига шубҳа билан қарамоқда. Унинг «қизил фурия» билан амалдаги шартномаси 2022 йилнинг охиригача мўлжалланган.
Энрике терма жамоани тарк этса, Испания футбол федерацияси унинг ўрнига «Атлетик»да ишлаётган Марселино ёки «Барселона» собиқ бош мураббийи Эрнесто Вальвердени тайинлаш имкониятларини кўриб чиқади.
Маълумот учун, Энрике 2019 йилнинг ноябридан бери Испания терма жамоасини бошқариб келмоқда. Аввалроқ унга «Манчестер Юнайтед» томонидан қизиқиш борлиги ҳақида бир неча бор хабар берилганди.
Испания терма жамоаси Қатар—2022 саралаши Европа минтақасида B гуруҳида биринчи ўринни эгаллаб, мундиал йўлланмасига эга чиққан.
Изоҳ (0)