Англия Премьер Лигасида март ойининг энг яхшилари номига даъвогарлар эълон қилинди

Англия Премьер Лигасида март ойининг энг яхшиси номига даъвогарлар рўйхати эълон қилинди.

Март ойининг энг яхши мураббийи бўлиш учун Микель Артета («Арсенал»), Антонио Конте («Тоттенҳэм»), Юрген Клопп («Ливерпуль»), Брендан Рожерс («Лестер») ва Томас Тухель («Челси») даъвогарлик қилмоқда.

Ортда қолаётган ойда «Арсенал», «Тоттенҳэм» ва «Лестер» Премьер Лигада 3 тадан ўйинда ғалаба қозонди ва биттадан баҳсда мағлубиятга учради. «Ливерпуль» ва «Челси» эса 3 учрашувда ғалабага эришган.

Шунингдек, лига март ойининг энг яхши футболчиси номига даъвогарлар рўйхатини ҳам эълон қилди. Булар:

• Мэтти Кеш «Астон Вилла» — 4 ўйин, 1 гол, 2 ассист;
• Кай Ҳаверц «Челси» — 3 ўйин, 4 гол, 1 ассист;
• Трево Чалоба «Челси» — 3 ўйин, 1 гол, 1 ассист;
• Ҳарри Кейн «Тоттенҳэм» — 4 ўйин, 4 гол, 3 ассист;
• Деян Кулусевски «Тоттенҳэм» — 4 ўйин, 3 ғалаба, 3 ассист;
• Эндрю Робертсон «Ливерпуль» — 3 ўйин, 1 ассист;
• Букайо Сака «Арсенал» — 4 ўйин, 2 гол, 1 ассист;
• Айвен Тоуни «Брентфорд» — 3 ўйин, 5 гол.