Тошкент вақти билан 25 март тонгида Жанубий Америка минтақасида ЖЧ—2022 саралашининг навбатдаги тур баҳслари бўлиб ўтди.
Бразилия терма жамоаси ўз уйида Чилини қабул қилиб, йирик ҳисобдаги ғалабани қўлга киритди. Бразилияликларнинг голларига Неймар, Винисиус Жуниор, Филиппе Коутиньо ва Ришарлисон муаллиф бўлди.
Уругвай терма жамоаси Жоржиан де Араскаэтанинг ягона голи эвазига Перуни мағлуб этди. Бу ғалаба Уругвайга мундиал йўлланмасини тақдим этди.
Чили ва Перунинг мағлубияти эвазига Эквадор гарчи ўз ўйинини ютқазган бўлса-да, ЖЧ—2022 йўлланмасига эга чиқди.
Сўнгги тур олдидан фақат битта йўлланма эгаси номаълум бўлиб турибди, унга Перу, Колумбия ва Чили даъвогарлик қилмоқда.
ЖЧ—2022 саралаши, Жанубий Америка
17-тур баҳслари
25 март, жума
Бразилия – Чили 4:0
Голлар: 1:0 – 44, пенальти Неймар, 2:0 – 45 Винисиус Жуниор, 3:0 – 72, пенальти Коутино, 4:0 – 90 Ришарлисон.Бразилия – Алиссон, Данило, Тиаго Сильва, Маркинос, Арана, Каземиро (Фабиньо, 82), Фред (Бруно Гимараэс, 82), Лукас Пакета (Коутиньо, 63), Неймар, Винисиус Жуниор (Мартинелли, 75), Антони (Ришарлисон, 75).
Чили – Браво, Исла, Медель, Роко (Монтесинос, 46), Диас, Суасо, Видаль, Арангис (Павес, 77), Баэса (Фернандес, 61), Санчес, Варгас (Менесес, 76).
Огоҳлантиришлар: Лукас Пакета (21), Каземиро (60), Неймар (62), Диас (62), Браво (69), Винисиус Жуниор (71), Медель (71).
Уругвай – Перу 1:0
Гол: 1:0 – 42 де Арраскаэта.Уругвай – Rocheт, Араухо, Годин, Хименес, Оливера, Суарес, Пелистри, де Арраскаэта, Бентанкур, Вальверде, Макси Гомес, Суарес (Торрейра, 76), Нуньес (Кавани, 67).
Перу – Галесе, Адвинкула, Самбрано, Каленс, Трауко, Каррило (Ормено, 65), Куэва (Калкатерра, 77), Йотунь (Гонсалес, 61), Тапия, Пеня (Флорес, 46), Лападула (Валера, 77).
Огоҳлантиришлар: Пелистри (72), Суарес (76).
Изоҳ (0)