Германия ҳукумати ёзга бориб Россиядан импорт қилинадиган нефтни икки баробар қисқартириш, кузда эса кўмир импортини бутунлай тўхтатишни режалаштирмоқда. Бу ҳақда мамлакат иқтисодиёт вазири Роберт Хабекка таяниб, «Интерфакс» хабар берди.
«Ёзга бориб Россиядан импорт қилинадиган нефтни икки баробарга, кузда эса Россиядан кўмир импорт қилишни бутунлай тўхтатишга умид қиляпмиз», — дейди Хабек.
Унинг қўшимча қилишича, Берлин 2022 йилнинг ёзига қадар Россиядан импорт қилинаётган ҳозирги истеъмол газ ҳажмини 24 фоизга қисқартириш вазифасини қўйган. Шу билан бирга, вазирнинг сўзларига кўра, Германия Россиядан газ импортини 55 фоиздан 40 фоизгача, нефтни эса 35 фоиздан 25 фоизгача қисқартиришга муваффақ бўлган.
Хабек Россиядан импорт қилинаётган газнинг асосий қисмига муқобил вариант топиш мумкинлигини ва Германия 2024 йил ўрталаригача Россиядан ёнилғи импортини тўлиқ тўхтатишни режалаштирмоқда.
Аввалроқ Германия Қатар билан газ бўйича узоқ муддатли ҳамкорлик тўғрисида келишиб олганди. Бунгача Еврокомиссия президенти Урсула фон дер Ляйен Россия энергиясидан тезроқ воз кечиш режаси тайёрланаётганини маълум қилганди. «Май ойи охиригача биз 2027 йилгача Россия гази, нефти ва кўмирига қарамликдан босқичма-босқич воз кечиш бўйича таклиф киритамиз. Бу зарур миллий ва Европа ресурслари томонидан қўллаб-қувватланади», — деган у. Бироқ Европанинг айрим етакчилари, жумладан, Германия канцлери Олаф Шольц Россиядан энергия етказиб беришни тақиқлашга қарши чиққан.
Изоҳ (0)