Санитария эпидемиологик осойишталик ва жамоат саломатлиги хизмати бошлиғининг маслаҳатчиси пора олаётган вақтда ҳуқуқни муҳофаза қилувчи органлар томонидан қўлга олинган. Бу ҳақда Тошкент шаҳар ички ишлар бошқармаси матбуот хизмати «Дарё»га маълум қилди.
Маълум қилинишича, Санитария эпидемиологик осойишталик ва жамоат саломатлиги хизматининг масъул ходими М.Б. февраль ойи бошида Учтепа туманида таниши Н.Х.ни ишга киритиб қўйиш важи билан 700 долларни олган вақтида ушланган.
Унга нисбатан Жиноят кодексининг 168-моддаси (фирибгарлик) ва 28-моддаси (жиноят иштирокчиларинг турлари) ва 211-моддаси (пора бериш) билан жиноят иши қўзғатилган. Ҳозирда тергов ҳаракатлари давом этмоқда
Аввалроқ Коррупцияга қарши курашиш агентлиги директори Акмал Бурхонов 2021 йилда энг кўп коррупцион ҳолатлар соғлиқни сақлаш тизимида эканлигини айтиб ўтган эди.
Изоҳ (0)