«Барселона» ҳимоячи Роналд Араухо ва ярим ҳимоячи Гави билан ҳам шартномани узайтирмоқчи.
Иккала футболчининг амалдаги шартномаси 2023 йил ёзида ўз ниҳоясига етади.
Marca нашрининг хабарига кўра, футболчиларнинг «кўк-анорранглилар»нинг сўнгги таклиф қилинган шартномасини рад этган. Умумий ҳисобда «Барселона» уругвайлик ва испаниялик футболчига уч маротаба янги битим таклиф қилган.
Каталонияликлар раҳбарияти футболчиларнинг жамоа учун муҳимлигини тушуниб турибди, лекин уларга катта маош ваъда қилмоқчи эмас, дея хабар беради Diario Sport. «Барселона» аниқ позицияни эгаллади: футболчиларга таклиф қилинадиган янги шартномаларда молиявий томондан кичик ўзгаришлар бўлиши мумкин.
Гави ва Араухонинг агентлари «Барселона» яхшиланган таклиф юборишини кутмоқда. Улар сезиларли ўзгаришлар кутаётган бўлса-да, каталонияликлар шартномада кичик ўзгаришлар қилишни мақсад қилган.
«Кўк-анорранглилар» ҳамон иқтисодий томондан оғир аҳволда. Хоан Лапорта ўзидан аввалги раҳбар Хосеп Бартомеунинг хатосини такрорламоқчи эмас ва маошларни ошириб юбормайди. «Барселона» Гави ва Араухо жамоада қолишни истаса, лойиҳаинг спорт томонига эътибор қаратишини хоҳлайди. Клуб бошқа жамоалар ваъда қилаётган маошни тўлай олмайди.
Қайд этилишича, футболчилар Каталонияда қолишни истайди. Айниқса, ҳозир Хави бошчилигидаги жамоанинг истиқболи борлигини кўрганидан сўнг.
Эслатиб ўтамиз, Роналд Араухо 2018 йилда «Барселона» сафига келиб қўшилган эди. 2020 йилдан буён асосий жамоада тўп суриб келмоқда. Клуб тарбияланувчиси Гави эса 2021 йил август ойида Каталония жамоасидаги дебютини нишонлаган эди.
Изоҳ (0)