“Bavariya” yozda jamoani tark etishi mumkin bo‘lgan Robert Levandovskiga o‘rinbosar topdi
“Bavariya” “Ayaks” hujumchisi Sebastyan Allerga jiddiy qiziqish bildirmoqda.
Myunxenliklar Amsterdam klubi forvardini yozda jamoani tark etishi mumkin bo‘lgan Robert Levandovskiga o‘rinbosar sifatida ko‘rmoqda. Polshalik hujumchiga “Chelsi” va “Real” qiziqmoqda. Agar Levandovski jamoani tark etadigan bo‘lsa, Aller klubning asosiy transfer maqsadiga aylanadi.
Avvalroq Robert Levandovskining “Real”ga o‘tishni xohlayotgani va agar Madrid klubi Erling Holandni qo‘lga kirita olmasa polshalik bilan shartnoma imzolashi mumkinligi aytilgandi.
27 yoshli Aller Niderlandiya chempionatining 2021/22-yilgi mavsumida 19 o‘yinda ishtirok etib, 16 ta gol va 6 ta golli uzatmaga mualliflik qildi. U chempionat to‘purarlari ro‘yxatini boshqarmoqda.
Allerning “Ayaks” bilan shartnomasi 2025-yilda o‘z nihoyasiga yetadi. Futbolchining transferi 30 million yevroga baholanmoqda.
Mavzuga doir: Robert Levandovski IFFHS talqiniga ko‘ra bir yil ichida 4 ta individual sovrin qo‘lga kiritgan ilk futbolchiga aylandi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
