Осиё минтақасида футбол бўйича ЖЧ—2022 саралаши доирасида ўйинда Япония терма жамоаси 24 март, пайшанба куни Австралияни 2:0 ҳисобида мағлуб этди. Учрашувда Каору Митома дубль қайд этди.
Шу тариқа Япония B гуруҳида очколари сонини 21 тага етказди ва мундиал йўлланмасини қўлга киритди. Австралия эса 15 очко билан учинчи ўринда қолди. Австралиянинг мағлубиятидан сўнг Саудия Арабистони 19 очко билан Жаҳон Чемпионатига йўл олган Осиёнинг 4-мамлакатига айланди.
Аввалроқ, Жанубий Корея ва Эрон ЖЧ—2022 йўлланмасини муддатидан аввал ҳал қилганди.
ЖЧ—2022 саралаши, ОФК
9-тур баҳси
24 март, пайшанба
Австралия — Япония 0:2
Голлар: 0:1 — 89 Митома, 0:2 — 90+4 МитомаАвстралия: Райан, Кинг, Дегенек, Сейнсбери, Грант, Мабил (Тилио, 69), Меткалф (Жегго, 46), Стенснесс (Фолами, 90), Бойл (Макларен, 84), Д’юк (Форнароли, 68), Ҳрустич
Япония: Гонда, Нагатомо (Накаяма, 64), Йошида, Итакура, Ямане, Минамино (Митома, 84), Эндо, Морита, Танака (Ҳарагучи, 84), Ито, Асано (Уэда, 64).
Огоҳлантиришлар: Наготомо (10), Меткалф (15), Стенснесс (54).
Изоҳ (0)