Кремль россияликларнинг аксарияти Украинадаги «махсус ҳарбий операция» ва Владимир Путиннинг ҳаракатларини қўллаб-қувватлаётганини «мутлақо инкор этиб бўлмайдиган факт» деб ҳисоблайди. Бунга қаршиларга жанговар ҳаракатларнинг мақсади ва сабаблари тушунтирилади, деди Россия президентининг матбуот котиби Дмитрий Песков журналистларга берган интервьюсида.
Фуқароларнинг аксарияти, 75 фоиздан ортиғи операцияни, Россия президентининг ҳаракатларини қўллаб-қувватламоқда. Бу мутлақо инкор этиб бўлмайдиган факт. Кўриб турибсизки, бу операциянинг мақсад ва вазифалари, ушбу операцияни ўтказиш сабаблари жуда фаол тушунтирилмоқда, бундан норозилар эса нималар бўлаётганини тушуниб етишига умид қиламиз. Бундан ташқари, қаршилар содир бўлаётган воқеалар ҳақида Ғарбдан келаётган ёлғонлар оқимидан сергак бўлишни бошлаши ва янгиликларда берилаётганларнинг ҳаммаси ҳам ҳақиқат эмаслигини тушуниши жуда муҳим, — деди Песков.Кремль урушга қарши қолган ўн миллионлаб россияликларнинг фикри тингланадими, деган саволга Песков шундай жавоб берди: «Уларнинг фикри тингланмоқда. Аммо озчилик барибир озчилик-да».
Изоҳ (0)