Наврўз куни Ўзбекистоннинг 12 та ҳудудида коронавирусга чалиниш ҳолатлари қайд этилмади

Ўзбекистонда 21 март куни 12 кишида коронавирус қайд этилиб, мамлакатда пандемия бошидан бери коронавирусга чалингани расман тасдиқланганлар сони 237 520 нафарга етди, деб хабар беради Соғлиқни сақлаш вазирлиги матбуот хизмати.

Янги касалланиш ҳолатларининг

1 нафари Самарқанд вилоятида,
11 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Таъкидлаш керакки, Ўзбекистонда 2 февраль куни коронавирус билан кунлик касалланишлар сони 15 кун ичида илк бор 1000 тадан камайганди. 9 февралдан бошлаб мамлакатда коронавирус билан кунлик касалланишлар сони бир ой ичида илк бор 700 тадан камайди. Мамлакатда кунлик касалланиш бўйича 200 кишидан паст кўрсаткич сўнгги марта 18 февралда (191 киши), 100 кишидан паст кўрсаткич эса 28 февралда (96 киши) қайд этилганди. 14 март куни эса 21 кишида коронавирус тасдиқланган.

21 март куни:

Андижон вилоятида 3 нафар,
Наманган вилоятида 1 нафар,
Фарғона вилоятида 2 нафар,
Тошкент вилоятида 14 нафар,
Тошкент шаҳрида 28 нафар бемор тузалиб, касалликдан соғайганлар жами 235 146 (+48) нафарга етди ва соғайиш кўрсаткичи 99 фоизни ташкил этмоқда.

Шунингдек, кеча 2 кишида пневмония аниқланган.

Бундан аввал Зангиота юқумли касалликлар шифохоналарида қанча бемор даволанаётгани ҳамда Ўзбекистонга киришда вакцина олган чет элликлардан ПЗР-тест талаб қилиш бекор бўлгани маълум қилинганди.

Мавзуга доир:

Наврўз куни Ўзбекистоннинг 12 та ҳудудида коронавирусга чалиниш ҳолатлари қайд этилмади

Мавзуга доир

Изоҳ (0)

Daryo.uz | Сизнинг муаммоингиз ечими