Ўзбекистондан Қозоғистонга 70 миллион тенгелик (тахминан 1 миллиард 600 миллион сўм) автомобилларни ноқонуний олиб киришга чек қўйилди, деб хабар бермоқда Қозоғистон Миллий хавфсизлик қўмитаси.
Қайд этилишича, 19 март куни қўшни давлатнинг Туркистон вилоятида Ўзбекистондан кириб келаётган автомашиналарни кўздан кечириш чоғида чегара хизмати ходимлари томонидан 3 та юк машинаси қўлга олинган. Машина юкхоналарида зарур ҳужжатлари бўлмаган 6 та енгил автомобиль топилган.
Қонунбузарлик содир этган Қозоғистон фуқаролари контрабандага уринишда айбланиб, қўлга олинган. Кечиктирилган юк Туркистон вилоятидаги Иқтисодий тергов департаментига ўтказилади.
Изоҳ (0)