Ҳайдовчилик гувоҳномасини олиш учун имтиҳон топшириш бўйича Тошкент шаҳридаги ягона марказ — Ягона имтиҳон маркази 1 апрелдан бошлаб назарий ва амалий тест синовларидан ўтиш нархи ошишини эълон қилди.
Қайд этилишича, нархлар «юқори сифат ва хизмат кўрсатиш даражасини сақлаб қолиш учун» марказ очилган пайтда белгиланган 100 минг сўмдан 150 минг сўмга (50 фоизга) ошган. Бунга «асосий ҳамкор мамлакатлардаги беқарор иқтисодий вазият, мамлакатда инфляциянинг тезлашишига сезиларли таъсир кўрсатаётган валюта курсининг кескин ўзгариши» сабаб қилиб кўрсатилган.
Маълумот учун, Ўзбекистонда 1 АҚШ доллари 1 мартдан (10 872,41 сўм) 24 мартгача (11 509,59 сўм) 637,18 сўм (5,5 фоиз)га ошган.
Аввалроқ Қонунчилик палатаси депутати Расул Кушербаев ўз Telegram канали орқали давлат имтиҳон олиш марказлари президент қарорига зид равишда ёпилаётганини танқид қилиб, бу бўйича Монополияга қарши курашиш қўмитасига «депутатлик сўрови» юборганини маълум қилганди. Қўмитанинг жавобига кўра, президентнинг 2020 йил 7 декабрдаги «Давлат томонидан тартибга солинадиган соҳаларга хусусий секторни жалб этиш бўйича қўшимча чора-тадбирлар тўғрисида»ги қарорида ҳудудларда давлат функциялари ўтказилаётган соҳаларда етарли миқдорда хусусий сектор субъектлари ташкил этилгунига қадар мазкур функцияларнинг давлат органлари ва ташкилотлари томонидан ҳам амалга оширилиши кўрсатиб ўтилган.
Шунга қарамай, ҳозирги кунда республиканинг баъзи ҳудудларида (Қашқадарё вилоятида 2 та, Сурхондарё вилоятида 3 та ҳамда Тошкент вилоятида 6 та) Ички ишлар вазирлиги тизимидаги Давлат йўл ҳаракати хавфсизлиги хизматининг назарий ва амалий имтиҳонларни ўтказиш марказларининг фаолияти ушбу соҳада етарли миқдорда хусусий сектор субъектлари ташкил этилмай туриб, президент қарори талабларига зид равишда тўхтатилган. Демак, битта тадбиркорлик субъектининг тезроқ ‘соққа ишлашиъга имконият бериш учун шошиб-пишиб бошқа давлат имтихон марказларини ёпиш орқали президент қарори талаблари ҳам бузилганМиллий масс-медиани қўллаб-қувватлаш ва ривожлантириш жамоат фонди Васийлик кенгаши раиси, Ягона имтиҳон маркази таъсисчиси Комил Алламжонов депутатнинг фикрларига раддия берган. Унинг айтишича, Тошкент шаҳри учун хизмат кўрсатаётган ҳозирча ягона бўлиб турган Имтиҳон маркази тўлиқ президент ва Вазирлар Маҳкамасининг қарорига мос равишда фаолият юритмоқда.Энди савол: Қарор талабларини бундай талқин қилиш ва бузиш кимга, нима учун керак бўлди?», — дейди Кушербаев.
Аслида соққа қилиш гуноҳ ҳам, жиноят ҳам эмас. Уни қандай қилиш муҳим. Балки, сизга эски коррупциялашган тизим кўпроқ ёқар. Сайловчилар, тайинловчилар сизга мурожаат қилишса, дарров қилич кўтариб кетмай, уларни кўпроқ ўқишга, билим олишга чақирсангиз, бугунги сиёсатнинг асл ёрдамчиси бўласиз деб ўйлайман», — деб ёзган Алламжонов ва агар вақти бўлса, Кушербаевни марказни келиб кўришга таклиф этган.
Изоҳ (0)