Bugun,

  • USD 11095.31
  • RUB 173.84
  • EUR 10772.44

Xitoy kuchaytirilgan karantin rejimi natijasida mamlakatga koronavirus kirib kelishi va respublikadan boshqa davlatlarga tarqalishining oldini olishga erishgan. Bu haqda Sanitariya epidemiologik osoyishtalik va jamoat salomatligi xizmati boshlig‘i o‘rinbosari Botir Qurbonov “Daryo” muxbiri Musulmonbek Ibrohimovga bergan qisqacha intervyusida aytib o‘tdi.

Yil boshida Xitoyda koronavirus yana qayta kuchayib borayotgani haqida xabarlar tarqalgan edi. Xususan, 1,2 million aholiga ega Yuchjou shahri, undan avval 13 million aholiga ega Sian shahri lokdaunga yopilgandi. Bayse shahri (Guansi-Chjuan avtonom tumani) ma’muriyati COVID-19 ga chalinish holatlarining ortishi munosabati bilan shaharda 7-fevraldan lokdaun joriy etilganini e’lon qilgan.

“Xitoy hukumati 2019-yil 31-dekabr kuni mamlakatda koronavirus paydo bo‘lgani, kasallik ko‘payib borayotgani va u boshqa davlatlarga tarqalayotgani bo‘yicha bayonot bergan. 2020-yil 11-mart kuni Jahon sog‘liqni saqlash tashkiloti tomonidan butun dunyoda pandemiya e’lon qilingan. Shu davrgacha dunyoning boshqa davlatlariga Xitoyda bo‘lgan kasallik o‘z ta’sirini ko‘rsatgan. Ammo undan keyingi holatda Xitoy karantin tadbirlarini kuchaytirib, koronavirusni mamlakatga kirib kelishi va boshqa davlatlarga chiqishini to‘xtatdi. Ya’ni Xitoyda bugungi kunda shunday tartib joriy qilindiki, mamlakatga kasallikning kirib kelishini va davlatdan boshqa joylarga chiqishining oldini olish tadbirlari kuchaytirilgan. Hozirda Xitoydan boshqa davlatlarga kasallik tarqalishining ehtimoli pandemiya boshidagi holatga nisbatan 180 daraja boshqacha”, — dedi xizmat boshlig‘i o‘rinbosari.

Botirjon Qurbonovning aytishicha, O‘zbekistonda koronavirus bilan bog‘liq vaziyat yana jiddiylashsa, karantin cheklovlari kuchaytirilishi mumkin.

“O‘zbekistonda koronavirus bilan bog‘liq xavfli vaziyatni bartaraf etishga erishildi. Kasallik kuni kecha bir sutkada 21 kishida qayd etilgani epidemiologik barqarorlik ta’minlanganidan dalolat beradi. Hozirda barcha muassasalarda tibbiy niqoblardan foydalanish ixtiyoriy. Ammo bu tibbiy niqobdan umuman foydalanilmasin, degani emas. Qo‘llarga antiseptik sepish, masofa saqlash ham barcha muassasalarda ixtiyoriy ravishda qoldirildi. Agar koronavirusning yangi shtammi paydo bo‘lsa va O‘zbekistonda dunyodagi singari murakkab jarayon boshlansa, albatta, kuchaytirilgan rejimga, tibbiy niqoblar taqish va boshqa tartiblarga qaytish ehtimoli yo‘q emas. Qachonki dunyoda shu kasallik tugatilsa, O‘zbekistonda ham tugatiladi, deyish mumkin. Bugungi kundagi holatga karantin cheklovlari vaqtincha yumshatilishi kuzatilmoqda, deb qarash kerak”, — dedi mutaxassis.

Avvalroq O‘zbekistonda 2022-yilning 1-martidan boshlab fuqarolarning ochiq havoda niqob taqmasligiga ruxsat berilgani xabar qilingandi. Epidemik vaziyatdan kelib chiqqan holda fuqarolarning ijtimoiy masofasini ta’minlash qiyin bo‘lgan joylarda niqob taqish tavsiya etilgan. Sog‘liqni saqlash muassasalarida tibbiyot xodimlarining, ular koronavirus bilan kasallanganlar bilan aloqada bo‘lishidan qat’i nazar, niqob taqishi talabi saqlab qolingan.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi