Си Цзиньпин АҚШ ва Хитой дунёда тинчликни сақлашга масъул эканлигини айтди

АҚШ Хитой билан биргаликда дунёда тинчлик ва барқарорликни таъминлашда масъулиятни ўз зиммаларига олиши керак, деган ХХР раҳбари Си Цзиньпин.

«Тинчлик ва барқарорлик — халқаро ҳамжамиятнинг энг қимматбаҳо бойлиги. БМТ хавфсизлик кенгашининг доимий аъзолари ва жаҳоннинг энг катта икки иқтисодиёти сифатида Хитой – Америка муносабатларини нафақат тўғри йўналишга ўтказишимиз, балки халқаро миқёсда масъулиятни зиммамизга олиб, бутун дунёда тинчлик ва барқарорликни таъминлашимиз зарур», — дея Си Цзиньпин АҚШ президенти Жо Байден билан мулоқот вақтида айтган сўзларни келтирган Хитой марказий телевидениеси.

Шунингдек, Си Цзиньпин Украинадаги инқироз Хитой кўришни истаган вазият эмаслигини қайд этган. Унинг сўзларига кўра содир бўлаётган ишлар яна бир марта мамлакатларнинг ўзаро қарама-қаршиликка бормаслиги кераклигини кўрсатмоқда.

«Низо ва икки фронтга бўлиниш ҳеч кимнинг манфаатига хизмат қилмайди», — деган Хитой раиси.

Си Цзиньпин ва Байден 18 март куни видеоконференцалоқа тизими орқали мулоқот қилган. АҚШ давлат котибининг биринчи ўринбосари Уэнди Шерман президентнинг ХХР раҳбарига Украинадаги Россия ҳукуматининг қарори юзасидан таъсир кўрсатганини таъкидлаган. Унинг айтишича Вашингтон Си Цзиньпиннинг тарих томонига тўғри йўлни танлашига ишонишини билдирган, дея хабар қилди Reuters.

Аввал АҚШ расмийлари Хитойнинг Россия Украинада ҳарбий операциялар бошлаганига мавҳум позицияда эканидан хавотирдалигини баён қилганди. Хусусан, АҚШ давлат котиби Энтони Блинкен Хитойнинг Путинга таъсир ўтказиши зарурлигини, аммо бунинг ўрнига тескари йўналишда бетараф ҳакам сифатида ҳаракат қилаётганини таъкидлаганди.

Хитой бунга жавоб қайтарган ва унинг Украинага нисбатан позицияси адолатли ва холислигини қайд этган.

«Ҳарбий низо бошланганидан буён Хитой ҳамма вақт музокаралар орқали тинчлик сулҳини тузиш тарафдори бўлиб келган», — деган Хитой ТИВ вакили Чжао Лисзян.