Россия томони украиналик ҳарбийлар билан Чернобил АЭСда биргаликда хавфсизликни таъминлаш бўйича келишувга эришди. Бу ҳақда Россия Ташқи ишлар вазирлиги матбуот котиби Мария Захаровага таяниб, «РИА Новости» хабар берди.
Унинг таъкидлашича, икки мамлакат ҳарбийлари энергия блоклари ва саркофаг хавфсизлигини биргаликда назорат қилади.
«Россия ҳарбийларининг Чернобил АЭСни назоратга олиши станция хавфсизлигига путур етказмаслик мақсадида амалга оширилди», — деди ТИВ вакили.
Захарова Россия томони ушбу объект хавфсизлигини таъминлаш учун барча саъй-ҳаракатларни давом эттириш ниятида эканига ишонтирди.
24 февраль куни Россия Украинани демилитаризация қилиш бўйича ҳарбий операция бошлади. Қуролли кучлар фақат ҳарбий инфратузилма ва Украина қўшинларини нишонга олаётганини айтмоқда. Ҳар икки томондан қурбонлар бор.
Россия қўшинлари урушнинг биринчи кунидаёқ Чернобил АЭС ҳудудини эгаллаган эди. 9 март куни «Укрэнерго» АЭС электр узатиш линияларидаги авария туфайли тўлиқ қувватсизлангани тўғрисида хабар берди.
Изоҳ (0)