Англиянинг Эссекс графлигида 11 мартдан 12 мартга ўтар кечаси профессионал бокс оқшоми бўлиб ўтди.
Унда иштирок этган ўзбекистонлик боксчи Шаҳобиддин Зоиров проф боксдаги 4-жангини ўтказди. Унга британиялик Бретт Фидо (15-69, 7 КО) рақиблик қилди. Тўлиқ давом этган беллашувда Зоиров очколар эвазига ғалаба қозонди.
Иккинчи ярим енгил (-55,34 кг) вазн тоифасида жанг қилаётган Зоиров шу тариқа профессионал боксдаги ғалабалари сонини 4 тага (2 нокаут) етказиб олди.
Шаҳобиддин шу кунга қадар профессионал боксда учта жанг ўтказиб, учаласида ҳам ғалаба қозонганди. Дебют жангида индонезиялик Энтони Ҳолтни нокаут ҳисобига мағлуб этган бўлса, иккинчи жангида грузиялик Мишико Шубитидзени ҳам нокаутга учратган. Учинчи жангида ҳиндистонлик Сандиб Сингҳ устидан очколар ҳисобига ғалаба қозонган.
Изоҳ (0)