Angliyaning Esseks grafligida 11-martdan 12-martga o‘tar kechasi professional boks oqshomi bo‘lib o‘tdi.
Unda ishtirok etgan o‘zbekistonlik bokschi Shahobiddin Zoirov prof boksdagi 4-jangini o‘tkazdi. Unga britaniyalik Brett Fido (15-69, 7 KO) raqiblik qildi. To‘liq davom etgan bellashuvda Zoirov ochkolar evaziga g‘alaba qozondi.
Ikkinchi yarim yengil (-55,34 kg) vazn toifasida jang qilayotgan Zoirov shu tariqa professional boksdagi g‘alabalari sonini 4 taga (2 nokaut) yetkazib oldi.
Shahobiddin shu kunga qadar professional boksda uchta jang o‘tkazib, uchalasida ham g‘alaba qozongandi. Debyut jangida indoneziyalik Entoni Holtni nokaut hisobiga mag‘lub etgan bo‘lsa, ikkinchi jangida gruziyalik Mishiko Shubitidzeni ham nokautga uchratgan. Uchinchi jangida hindistonlik Sandib Singh ustidan ochkolar hisobiga g‘alaba qozongan.
Izoh (0)