Аввалроқ Украина мамлакат ҳудудида шакар экспортини тақиқлагани ҳақида хабар берилган эди. Яқин кунларда худди шундай қарор Россия томонидан ҳам қабул қилинади.
Россия ва Украина – Ўзбекистонга шакар етказиб берувчи асосий давлатлардан бири. 2021 йили 12 давлатдан 23,2 минг тонна шакар импорт қилинган. Россия 5,3 минг тонна кўрсаткич билан биринчи ўринни, Украина эса 3,4 минг тонна билан тўртинчи ўринни эгаллади.
Шунингдек, Озарбайжон (4,6 минг тонна), Польша (3,7 минг тонна) ва Қозоғистон (1,5 мин тонна) шакар бўйича йирик импортчи мамлакатлар ҳисобланади.
Ишлаб чиқарувчилар керагидан ортиқ
«Дарё» билан суҳбатда бўлган мутахассислар Россия ва Украина шакарининг йўқ бўлиши Ўзбекистонга жиддий таъсир қилмаслигини таъкидлаган.
Биринчидан, Ўзбекистон сотиб олишдан кўра, кўпроқ ишлаб чиқаради. Буни статистика ҳам тасдиқлаган – 2021 йилнинг 9 ойида Ўзбекистонда 400 минг тоннадан зиёд шакар ишлаб чиқарилган (импортдан 20 баробар кўп).
Иккинчидан, Ўзбекистон янги бозорларни фаол равишда ўзлаштирмоқда. 2021 йили, масалан, Бразилиядан шакар импорти бир неча баравар ўсган.
Охирги йилларда ишлаб чиқариш жадал суръатларда ўсмоқда, импорт ҳажми эса тушиб кетмоқда.
Юзага келиши мумкин бўлган хавф ҳақида гап кетадиган бўлса, Ўзбекистон кўпроқ шакар хом ашёси импортига қарам бўлиб, ундан маҳаллий заводлар шакар ишлаб чиқаришда фойдаланади.
Бундан ташқари, шакарни вақти-вақти билан сотиб олиш, уни ишлаб чиқаришдан кўра фойдалироқ. Масалан, 2020 йили Россияда қанд лавлаги йиғими ўсгани туфайли шакар импорти ҳажми ҳам ошган, ҳам арзонлашган эди.
Мақолани тайёрлашда Давлат статистика қўмитаси маълумотларидан фойдаланилди. «Дарё» ҳамкорлик учун ўз миннатдорлигини билдиради.
Изоҳ (0)