The Wall Street Journal Россияни тарк этаётган хорижликлар ҳақида гапирди.
Улардан бири Москвада яшаган, асли Шимолий Дакотадан бўлган Жонас Несс ўз ҳисобидаги ҳамма пулни ечган ва Санкт-Петербург йўналишидаги кечки поездга ўтириб, у ердан Эстонияга жўнаган.
Мен ҳамма нақд пулимни олиб кетдим. Ҳозирда Россия билан жуда қалтис муносабатларда бўлган АҚШ фуқароси бўлганим учун ҳам ўз маблағларимни хавфсиз жойга олиб кетишни истадим, — дейди Россиядаги хусусий авиакомпанияда техник сифатида ишлаган Несс.
Россиядан чиқиб кетаётган хорижликларнинг аниқ сонини айтиш қийин, аммо Wall Street Journal’нинг маълумотларига кўра, бу катта оқим. Кимдир бутунлай, кимдир эса вақтинча бу ерни тарк этмоқда.
Сабаблар турлича. Кимдир Россия чегаралари бутунлай ёпилишидан қўрққани учун бош олиб чиқиб кетаётган бўлса, кимдир бошқаларга ҳужум уюштираётган мамлакатда яшашни истамаганидан жўнаб кетмоқда.
Мен кетишни истамайман, – деб тан олади америкалик Келси Хедрик, аммо унинг сўзларига кўра, унда бошқа илож қолмади. Ҳозир у Финляндияга кўчиб кетди.
Россия ва Ғарб ўртасидаги муносабатлар доимо мураккаб бўлганига қарамай, Москва ва бошқа катта шаҳарларда кўплаб хорижликлар яшар эди.
Барчаси шу йилнинг март ойида ўзгариб кетди. Американинг Global Guardian фирмаси Америка ва Европанинг 22 та компаниясида ишловчи 2000 дан зиёд одамга Москва ва Санкт-Петербургдан кетишга ёрдам берди.
Россия, Европа ва АҚШ мамлакатлари ўртасидаги парвозлар тақиқлангандан сўнг, хорижликлар транзит мамлакатлар, шу жумладан, Ўзбекистон орқали чиқиб кетишмоқда.
WSJ Россияда 10 йил давомида яшаб, эндиликда мамлакатни тарк этишга қарор қилган британиялик ўқитувчи ҳақида ёзади. У ўз оиласи билан бирга Тошкентга учадиган самолётга ўтириб, у ердан Истанбулга жўнаб кетган.
Бировларнинг қийинчилиги бошқалар учун янги имконият
Яқинда Korzinka асосчиси Зафар Хошимов Россия—Украина можароси Ўзбекистонга ўз таъсирини кўрсата бошлагани ҳақида гапирган эди.
Тадбиркор мутасаддилардан чет эллик мутахассисларни Ўзбекистонга кўчиб келишини соддалаштиришни тавсия қилди.
Унинг сўзларига кўра, Ўзбекистонга керак бўлган малакали мутахассисларни шу орқали жалб қилиш мумкин.
Изоҳ (0)