Украина бир қатор ижтимоий аҳамиятга эга маҳсулотларга чеклов қўйди. Бу ҳақда Украина Вазирлар маҳкамасининг тегишли қарорида қайд этилди.
Рўйхатга қуйидагилар киритилди:
- гўшт;
- сули;
- жавдар;
- гречка;
- шакар;
- шарбат;
- туз.
Яна бир неча маҳсулотлар Украина Иқтисодиёт вазирлигининг рухсатномаси билангина импорт қилиниши мумкин:
- буғдой;
- жўхори;
- парранда гўшти;
- товуқ тухуми;
- кунгабоқар ёғи.
«Korzinka» дўконлар тармоғи асосчиси Зафар Ҳошимовнинг айтишича, Украинадан импорт тўхтаб бўлган.
Ҳозирнинг ўзиданоқ ушбу товар ва бозорлар ўрнига бошқаларини топиши керак, — деб ҳисоблайди тадбиркор.
Ўзбекистон Украинага нима сотади ва ундан нима сотиб олади?
Украина Ўзбекистоннинг асосий ҳамкори бўлмаса-да, унинг йирик савдо шериги ҳисобланади.
2021 йили мамлакатлар ўртасидаги савдо ҳажми 704 млн долларни ташкил қилган. Улардан 231,6 млн доллари — экспортга, 472, 4 млн доллари эса импортга тўғри келади.
Ўзбекистон Украинага, асосан, кимёвий, тўқимачилик ва озиқ-овқат маҳсулотлари, рангли металл, машина ва асбоб-ускуналар сотади.
Украина эса Ўзбекистонга, асосан, қора металл, кимёвий маҳсулотлар, машина ва асбоб-ускуналар, озиқ-овқат маҳсулотлари, рангли металлар сотган.
Гўшт, конфетлар, шоколад ва ёғ
2021 йили Украинадан озиқ-овқат маҳсулотлари импорти 63,4 млн долларни ташкил этди.
Мазкур кўрсаткич 2020 йилга нисбатан қарийб икки баравар кўп бўлса-да, озиқ-овқат умумий импортида Украинанинг улуши бор-йўғи 2,2 фоизни ташкил қилади.
Буни Ўзбекистонга кириб келадиган озиқ-овқат маҳсулотлари, асосан, Қозоғистон (34,1 фоиз) ва Россия (27,3 фоиз) томонидан таъминланиши орқали изоҳлаш мумкин.
Бироқ умумий улушда Украина улуши 10 фоиздан ортиқ бўлган бир неча товарлар мавжуд. Булар гўшт, қандолат маҳсулотлари, ўсимлик ёғи ва какаодир.
Бундан ташқари, 2021 йили Ўзбекистон Украинадан ёғ импортини 5,5 бараварга, қандолат маҳсулотларини 2,2 бараварга, гўшт маҳсулотларини эса 53,8 фоизга оширди.
Озиқ-овқат бозори, асосан, бошқа мамлакатларга тегишлидир
Ўзбекистон учун озиқ-овқат импортининг асосий бозорлари бошқа мамлакатларга тўғри келади.
Масалан, ўсимлик ёғи 2021 йили унинг импорти 313,6 млн долларни ташкил қилган, ундан 207,6 млн доллари Россияга ва атиги 8 млн доллари Украинага тегишлидир.
Ёрма ва ун асосан Қозоғистондан, шакар ва шоколад Бразилиядан, маргарин ва сут маҳсулотлари Россиядан, мол ва қўй гўштлари Беларусдан олиб келинади.
Аввалроқ Украина Ўзбекистоннинг дори-дармон бўйича йирик таъминотчиларидан бири эканлиги ва унинг Ўзбекистон бозордаги ўрни Ҳиндистон ва бошқа мамлакатлар томонидан эгалланиши мумкинлиги ҳақида хабар берилган эди.
Изоҳ (0)