Килиан Мбаппе тез орада «Реал» билан шартнома имзолайди.
Marca нашрининг хабарига кўра, «ПСЖ» ҳужумчиси келаси ҳафта ўрталарида «Реал» билан шартнома имзолайди. Сўнгги кунларда музокаралар шиддат билан давом этган ва жума кунигача барча тафсилотлар келишиб олинишини кутилмоқда.
Мбаппенинг «Реал»га ўтгани эса мавсум сўнгида расман эълон қилинади.
Ҳужумчи «Реал» билан шартнома имзолагани учун 60—80 миллион евро бонус олади. Унинг маоши эса шартномага кўра 25 миллион еврони ташкил этади.
Эслатиб ўтамиз, Мбаппенинг парижликлар билан шартномаси 2022 йилнинг ёзида ўз ниҳоясига етади. У мадридликлар сафига эркин агент сифатида ўтади.
Аввалроқ «ПСЖ» Килиан Мбаппега футбол тарихидаги энг катта шартнома таклиф қилгани хабар қилинганди. Шунингдек, Франциянинг амалдаги ва собиқ президентлари Килиан Мбаппега «ПСЖ»да қолишни маслаҳат берганди.
23 ёшли футболчи 2021/22 йилги мавсум «ПСЖ» сафида барча мусобақаларда 35 та ўйинда майдонга тушиб, 25 та гол ва 14 та голли узатмага муаллифлик қилди.
Изоҳ (0)