Луис Суарес мавсум якунлангач «Атлетико Мадрид»ни тарк этиши мумкин. Бу ҳақда журналист Николо Скира маълум қилди.

Ёзда 35 ёшли футболчининг Мадрид клуби билан шартномаси якунига етади ва ҳужумчи эркин агентга айланади.

Қайд этилишича, Суаресга «Астон Вилла» қизиқиш билдирмоқда. Ҳозирда жамоада фаолият олиб бораётган Филлиппе Коутиньо ва бош мураббий Стивен Жеррард ўз вақтида уругвайлик ҳужумчи билан «Ливерпуль»да бирга тўп сургани трансферда муҳим аҳамият касб этиши мумкин.

Инглиз клубидан ташқари уругвайликка «Аякс», Бразилия ва MLS жамоаларидан таклифлар бор. Аввалроқ ҳужумчига «Интер» ва «Севилья» қизиқиш билдираётгани хабар қилинганди.

Маълумот учун, Суарес 2020 йилда эркин агент сифатида «Барселона»дан «Атлетико М»га ўтганди. У Ла Лиганинг 2021/22 йилги мавсумида 26 та ўйинда майдонга тушиб, 9 та гол ва 2 та голли узатмага муаллифлик қилди.