Навоий вилояти ҳокимининг қарори билан Малика Мамадиёрова вилоят ҳокимининг ўринбосари — оила ва хотин-қизлар бошқармаси бошлиғи вазифасини бажарувчи этиб тайинланди. Бу ҳақда вилоят ҳокимлиги матбуот хизмати хабар берди.
Малика Мамадиёрова тайинловга қадар Навоий вилояти Маҳалла ва оилани қўллаб-қувватлаш бошқармаси бошлиғининг биринчи ўринбосари вазифасида ишлаб келаётган эди.
Шунингдек, Бухоро вилояти ҳокимининг қарори билан Фируза Ибрагимова вилоят ҳокимининг ўринбосари — оила ва хотин-қизлар бошқармаси бошлиғи вазифасини бажарувчи этиб тайинланган.
Фируза Ибрагимова 1970 йил 24 ноябрда Бухоро шаҳрида туғилган. 1992 йилда Бухоро давлат педагогика институтини тугатган.
У 1993—2015 йилларда Бухоро давлат тиббиёт институтида ишлаган. 2015—2018 йилларда Олий Мажлис Қонунчилик палатасининг Аграр ва сув хўжалиги масалалари ҳамда Фуқароларнинг соғлиғини сақлаш масалалари қўмиталари аъзоси сифатида, 2018—2020 йилларда Бухоро вилояти ҳокими ўринбосари — вилоят Хотин-қизлар қўмитаси раиси лавозимларида фаолият олиб борган.
Фируза Ибрагимова ушбу тайинловга қадар вилоят Маҳалла ва оилани қўллаб-қувватлаш бошқармаси бошлиғининг биринчи ўринбосари вазифасида ишлаб келаётган эди.
Аввалроқ Андижон, Сурхондарё, Қашқадарё, Самарқанд, Тошкент ҳамда Хоразм вилояти ҳокимларига янги ўринбосарлар — вилоят оила ва хотин-қизлар бошқармаси бошлиқлари тайинлангани тўғрисида хабар берилганди.
Изоҳ (0)