Отабек Фозилкаримов соғлиқни сақлаш вазирининг ўринбосари лавозимига тайинланди, деб хабар беради Telegram’даги «Нигоҳ» канали.
Отабек Фозилкаримов 2020 йилнинг ноябридан бери Молия вазирлиги Соғлиқни сақлаш ва спорт соҳаларида буджет сиёсати департаменти директори лавозимида ишлаб келаётганди.
Маълумот учун, у меҳнат фаолиятини 2007 йили Молия вазирлигининг Ижтимоий соҳа ва фанни молиялаштириш бош бошқармаси фанни молиялаштириш бўлими 1-тоифали иқтисодчиси сифатида бошлаган. 2008–2011 йилларда Молия вазирлиги Ижтимоий соҳа ва фанни молиялаштириш бош бошқармаси соғлиқни сақлашни ва ижтимоий ҳимояни молиялаштириш бўлими 1-тоифали иқтисодчиси бўлган.
2011–2020 йиллар давомида Молия вазирлиги Ижтимоий соҳа ва фанни молиялаштириш бош бошқармаси соғлиқни сақлашни ва ижтимоий ҳимояни молиялаштириш бўлими бош иқтисодчиси, бўлими бошлиғи, Аҳолини ижтимоий ҳимоя қилиш ва соғлиқни сақлаш тармоқларида бюджет сиёсати бошқармаси бошлиғи сифатида ишлаган.
Эслатиб ўтамиз, январь охирларида 2020 йилнинг июлидан бери соғлиқни сақлаш вазирининг ўринбосари лавозимида ишлаб келган Абдулла Азизов ОКМК бошқарув раиси ўринбосари этиб тайинланганди.
2021 йилнинг ноябрида Ўзбекистон президентининг тегишли фармони билан бош вазир ўринбосари лавозимида ишлаб келган Беҳзод Мусаев соғлиқни сақлаш вазири этиб тайинланганди. Аввалроқ президент Шавкат Мирзиёев йиғилишда соғлиқни сақлаш тизими ҳақида гапирар экан, вазир Беҳзод Мусаевга, энг аввало, пастга тушиб ишлаш кераклигини таъкидлаган эди. «Энди сен ҳам буни эплолмасанг, Ўзбекистонда тиббиётни ҳеч ким эплолмайди, ёпиш керак вазирликни», — деганди давлат раҳбари Беҳзод Мусаевга қарата.
Изоҳ (0)