Андижон вилояти Улуғнор туманида шахсий маълумотларни тарқатиш билан қўрқитиб, пул талаб қилиб келган йигит ушланди. Бу ҳақда Тергов департаменти хабар қилди.
Қайд этилишича, 7 март куни Улуғнор туманида яшовчи Ж.Г. (29 ёшли) туман ички ишлар бўлими бошлиғининг номига ариза билан мурожаат қилган. Унда март ойи бошларида Telegram орқали Андижон шаҳрида яшовчи Жасур исмли йигит билан танишиб, у билан бир неча кун суҳбатлашиб келганини, суҳбат давомида ўзига тегишли бўлган маълумотларни юборганини маълум қилган.
У эса ушбу маълумотларни телефон аппаратига сақлаб олиб, ижтимоий тармоқларга тарқатиб, шарманда қилиш билан қўрқитган. Йигит Ж.Г.дан 200 доллар пул маблағи талаб қилиб келган. Аёл унга нисбатан қонуний чора кўришни сўраган.
Аризага асосан шу куни соат 16:30 ларда ИИБ ходимлари томонидан тезкор тадбир ўтказилган. Унда Балиқчи тумани «Оққўрғон» маҳалласида жойлашган умумий овқатланиш жойи кириш эшиги йўлагида йигит аризачидан 200 доллар олаётган вақтида тадбир иштирокчилари томонидан ашёвий далиллар билан ушланган.
Олиб борилган терговга қадар текширувлар натижасида ўзини Жасур деб таништирган йигит Олтинкўл тумани Шодлик кўчасида яшовчи Қ.О. (19 ёшли) экани аниқланган.
Ҳолат юзасидан унга нисбатан Жиноят кодексининг 165-моддаси 1-қисми (товламачилик) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Мавзуга доир:
- Сурхондарёда танишига тегишли видеони интернетда тарқатмаслик учун минг доллар сўраган эркак ушланди
- Самарқандда танишининг видеоларини тарқатиб, шарманда қилмаслик учун 2 минг доллар сўраган она-бола ушланди
- Қашқадарёда аёлнинг беҳаё видеосини тарқатмаслик учун 900 доллар ва қимматбаҳо буюмлар талаб қилган эркак ушланди
Изоҳ (0)