Тошкент ва Урганчдан Санкт-Петербургга қўшимча авиақатновлар йўлга қўйилади

Uzbekistan Airways Тошкент ва Урганчдан Россиянинг Санкт-Петербург шаҳрига қўшимча авиақатновларни йўлга қўйди, дея хабар қилмоқда компания матбуот хизмати.

«Йўловчилар орасида талаб ортиши муносабати билан Uzbekistan Airways Тошкент–Санкт-Петербург–Тошкент ва Урганч–Санкт-Петербург–Урганч йўналишлари бўйича қўшимча авиақатновларни йўлга қўяди.

Тошкент–Санкт-Петербург–Тошкент йўналиши бўйича қўшимча авиақатновлар 2022 йилнинг 16 ва 23 март кунлари, Урганч–Санкт-Петербург–Урганч йўналиши бўйича эса 17, 20 ва 23 март кунлари амалга оширилади», – дейилади хабарда.

Бундан аввал Тошкентдан Қозон ва Новосибирск шаҳарларига, Тошкентдан Москва ва Санкт-Петербург шаҳарларига ҳамда Тошкентдан Новосибирскка қўшимча авиақатновлар амалга оширилиши ҳақида хабар берилганди.