Назиржон Назиров уй-жой коммунал хизмат кўрсатиш вазири ўринбосари лавозимидан озод этилди, деб хабар беради ЎзА.
Назировнинг ўрнига Озода Жўраева тайинланган. Шу кунгача у Навоий шаҳридаги «Ҳумо Зилола барҳаёт» профессионал бошқарув компанияси раҳбари сифатида фаолият юритган. Озода Жўраева 5 март куни президент фармонига мувофиқ «Дўстлик» ордени билан тақдирланганди.
Эслатиб ўтамиз, Назиржон Назиров 2017 йилнинг июнида президент фармони билан уй-жой коммунал хизмат кўрсатиш вазирининг ўринбосарлари этиб тайинланганди.
Маълумот учун, Уй-жой коммунал хизмат кўрсатиш вазирлиги Шавкат Мирзиёевнинг 2017 йил 18 апрелдаги фармони билан ташкил этилган. Ўша йилнинг 5 июлдан бери раҳбарлик қилган уй-жой коммунал хизмат кўрсатиш вазири Музаффар Солиев ишда йўл қўйган камчиликлари, қайта-қайта огоҳлантиришларга қарамай, тегишли хулоса чиқармагани учун 2021 йилнинг январида эгаллаб турган лавозимидан озод қилиниб, унинг ўрнига қурилиш вазири биринчи ўринбосари лавозимида ишлаб келган Шерзод Ҳидоятов тайинланганди.
Изоҳ (0)