Nazirjon Nazirov uy-joy kommunal xizmat ko‘rsatish vaziri o‘rinbosari lavozimidan ozod etildi, deb xabar beradi O‘zA.
Nazirovning o‘rniga Ozoda Jo‘rayeva tayinlangan. Shu kungacha u Navoiy shahridagi “Humo Zilola barhayot” professional boshqaruv kompaniyasi rahbari sifatida faoliyat yuritgan. Ozoda Jo‘rayeva 5-mart kuni prezident farmoniga muvofiq “Do‘stlik” ordeni bilan taqdirlangandi.
Eslatib o‘tamiz, Nazirjon Nazirov 2017-yilning iyunida prezident farmoni bilan uy-joy kommunal xizmat ko‘rsatish vazirining o‘rinbosarlari etib tayinlangandi.
Ma’lumot uchun, Uy-joy kommunal xizmat ko‘rsatish vazirligi Shavkat Mirziyoyevning 2017-yil 18-apreldagi farmoni bilan tashkil etilgan. O‘sha yilning 5-iyuldan beri rahbarlik qilgan uy-joy kommunal xizmat ko‘rsatish vaziri Muzaffar Soliyev ishda yo‘l qo‘ygan kamchiliklari, qayta-qayta ogohlantirishlarga qaramay, tegishli xulosa chiqarmagani uchun 2021-yilning yanvarida egallab turgan lavozimidan ozod qilinib, uning o‘rniga qurilish vaziri birinchi o‘rinbosari lavozimida ishlab kelgan Sherzod Hidoyatov tayinlangandi.
Izoh (0)