Самарқанд вилоятининг Булунғур туманида олтин бўлакларини ноқонуний олиб кетаётган фуқаро қўлга олинди.
ИИВ Йўл ҳаракати хавфсизлиги хизмати хабарига кўра, 6 март куни соат 21:00 ларда Самарқанд вилояти ҳуқуқни муҳофаза қилувчи орган ходимлари ҳамкорлигида ўтказилган текширув давомида Булунғур тумани ҳудудидан ўтувчи М-39 автомобиль йўлида жойлашган «Юқори нуқта» ЙПХ масканида Lacetti машинаси тўхтатилган.
Холис ва гувоҳлар иштирокидаги текширув давомида унинг ҳайдовчиси О.А.нинг (1989 йилда туғилган) чўнтаги ва автомобили салонидан жами 15 дона, турли хил шаклда қуйилган, умумий оғирлиги 525 грамм бўлган олтин бўлаклари топилган.
Ушбу қимматбаҳо бўлаклар ноқонуний олиб кетилаётганликда гумонланиб ашёвий далил сифатида олинган ва автомобиль вақтинча сақлаш учун жарима майдонига қўйилган.
Айни пайтда ҳолат юзасидан Иқтисодий жиноятларга қарши курашиш департаментининг Булунғур тумани бўлими ходимлари томонидан терговга қадар текширув ҳаракатлари олиб борилмоқда.
Изоҳ (0)