Украина президенти Владимир Зеленский Киевдан ҳеч қаерга кетмаганини маълум қилди. Олдинроқ Украина етакчиси, Россия Давлат думаси спикери Вячеслав Володин қочиб кетгани ҳақида гапирганди.
«Ҳар икки кунда бир мени Украинада, Киевда, офисимдан қочиб кетганим тўғрисида маълумотлар пайдо бўлмоқда. Мен ўз жойимдаман… Ҳеч ким ҳеч қаерга қочиб кетмади», — дейди Зеленский видеомурожаатида.
У, шунингдек, президент офисининг раҳбари Андрей Ермак ҳам Киевда эканини таъкидлаган. «Биз югуришни яхши кўрамиз, лекин ҳозир турли кардио машғулотларга вақт йўқ», — дея қўшимча қилади давлат раҳбари.
Володин Украина Олий радаси депутатларига таяниб, Зеленский Польшага қочиб кетганини маълум қилган. Унинг сўзларига кўра, депутатлар Львовда президент қабулига кира олмаган. Олий рада эса буни рад этмоқда.
Аввалроқ Британиянинг The Times газетаси сўнгги бир ҳафта ичида Украина президенти Владимир Зеленскийнинг ҳаётига камида уч марта суиқасд уюштирилгани тўғрисида хабар берганди.
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)