Европада газ нархи минг кубометр учун тарихдаги рекорд қийматини янгилади ва 2400 долларга чиқди. Бу ҳақда ICE Futures биржаси маълумотларига таяниб, «Интерфакс» хабар қилган.
ТТF хабидаги апрель фьючерси нархи бир кубометр 2391 долларга етган. Бир неча соат аввал савдолар минг кубометр учун 1724 доллар қийматида якунланган.
Украина атрофидаги мураккаб вазиятдан ташқари (бозор кундан кунга ушбу йўналишдаги рисклар ўсиб бормоқда деб ҳисоблайди) шу ҳафтада Европада ҳаво ҳароратининг пасайиши ва электр энергияси ишлаб чиқариш ҳажми, хусусан муқобил энергия манбалари – шамол генерацияси воситасида электр энергияси олиш камайган. Бозордаги кескинликнинг яна бир сабаби Россия кўмири ҳамда суюлтирилган табиий газнинг Европага етказиб берилиши билан боғлиқ ноаниқликлар.Газ нархининг бозордаги аввалги чўққиси 2 март куни кузатилган ва шу куни Европада зангори олов минг кубометр учун 2227 долларга баҳоланган. Ундан аввалги рекорд эса 2021 йил 21 декабрда қайд этилган ва шу куни газ минг кубометр учун 2138 долларга нархланган.«Интерфакс» ахборот агентлиги
Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live
Изоҳ (0)