Судьялар олий кенгаши қарори билан фуқаролик ишлари бўйича Кармана туманлараро судининг судьяси лавозимидан озод этилди.
Маълум қилинишича, одил судловни амалга оширишда қонунийликни бузгани учун Навоий вилояти фуқаролик ишлари бўйича Кармана туманлараро судининг судьяси Бахтиёр Қутлиев лавозимидан озод этилиб, ваколатлари муддатидан илгари тугатилган.
Шунингдек, масъулиятсизлиги ва фаолиятида йўл қўйган камчиликлари учун:
- Хоразм вилоят судининг фуқаролик ишлари бўйича судьялари Ғайбулла Мирзаев ва Хушнуд Болтаев;
- Хоразм вилояти жиноят ишлари бўйича Янгиариқ туман судининг раиси Жамолбек Жуманиёзов;
- Наманган вилояти фуқаролик ишлари бўйича Наманган туманлараро судининг судьяси Улуғбек Ҳамдамов;
- Андижон вилояти жиноят ишлари бўйича Қўрғонтепа судининг судьяси Озодбек Неъматуллаев интизомий жазога тортилган.
Эслатиб ўтамиз, январь бошларида ҳам мамлакатда масъулиятсизликка йўл қўйган 5 нафар судья интизомий жазога, Тошкентда масъулиятсизликка йўл қўйган 9 нафар судья эса жавобгарликка тортилганди. Шунингдек, бир қатор қонун бузилиши ҳолатларига қўл урган беш нафар судьяга ҳам жазо тайинланган.
Изоҳ (0)