Машҳурликда фильмдаги бош қаҳрамондан ҳам ўтиб кетган иккинчи даражали персонаж ролини ўйнаган актёрлар (фото)

Голливуд фильмларида кўпинча битта бош қаҳрамон бўлиб, бутун сюжет унинг атрофига қурилади. Бу томошабинлар эътиборини жалб қилишни осонлаштиради. Аммо баъзида иккинчи даражали қаҳрамон ролини ўйнаган актёрлар бош қаҳрамондан ҳам машҳур бўлиб кетади ва томошабинлар қалбини забт этади.

Жоди Комер — Райан Рейнолдс («Бош қаҳрамон»)

«Бош қаҳрамон» комедиясида Жоди Комер бирданига 2 та ролни ижро этган: дастурчи Милли ва ўйин қаҳрамони. «Евани ўлдириш» сериалидан кейин эса яна бир бор ўзини ажойиб ва ​​кўп қиррали актриса сифатида кўрсата олди. Актрисанинг ижроси фильм режиссёри Шон Леви томонидан юқори баҳоланган. Унинг фикрича, Жоди Комер бошқа актрисаларга ўхшамайди. Шон Леви ҳатто бундай истеъдод ҳар 10 йилда бир марта пайдо бўлишини таъкидлаган.

Ана де Армас — Даниэль Крейг  («Ўлиш вақти эмас»)

Фильмнинг сўнгги қисмида махсус агент Палома ролидаги Ана де Армас пайдо бўлади. Унинг персонажига кам вақт ажратилган бўлишига қарамай, Бонд билан танишув саҳнаси ва ундан кейинги ҳаракатлар жуда ёрқин бўлиб чиқди. Шу даражадаки, қаҳрамоннинг мухлислари у ҳақида алоҳида фильм талаб қилишди. «Мен фақат Паломага бағишланган спин-офни кўришни хоҳлардим. Бу ажойиб бўларди», деб ёзади Reddit фойдаланувчиси.

Кейт Уинслет — Майкл Фассбендер («Стив Жобс»)

Стив Жобс фильмида Кейт Уинслет Apple компаниясининг маркетинг бўлими бошлиғи Жоанна Хоффман ролини ижро этган. Фильмдаги шу роли учун «Оскар»га унинг номзоди қўйилди, аммо мукофот бошқа номзод Алисия Викандерга насиб қилди. Кейт Уинслетнинг ижроси BAFTA билан тақдирланди.

Рианна — Кара Делевин  («Валериан ва минг сайёралар шаҳри»)

Люк Бессоннинг фантастик фильми танқидчилар томонидан турлича баҳоланди, улар хом сюжет ва заиф актёрлик ишини танқид қилди. Бироқ Рианна ижро этган Баббл исмли қаҳрамоннинг ёрқин рақс саҳнаси кўпчиликни бефарқ қолдирмади.

Майкл Шеннон — Жейк Жилленхол («Тун қоронғисида»)

Актёр Майкл Шеннон моделер Том Форднинг эстетик жиҳатдан бенуқсон фильмида детектив ролини ижро этган. У «Иккинчи пландаги энг яхши актёр» номинацияси бўйича «Оскар»га номзоди қўйилди, бироқ «Ой нури» фильмидаги актёр мукофотга сазовор бўлди.

Билл Мюррей — Жесси Айзенберг («Зомбиландияга хуш келибсиз»)

Фильм сюжетига кўра, Билл Мюррей қаҳрамони ўзининг оддий ҳаётини давом эттириш, фильмлар томоша қилиш, голф ўйнаш, лекин шу билан бирга хавфсиз бўлиш учун зомби кўринишида грим қилиб олади.

Женнифер Кулиж — Риз Уизерспун («Қонундаги малласоч»)

Актриса Женнифер Кулиж фильмда Полет исмли гўзаллик салони ходими ролини ўйнайди. Reddit фойдаланувчиларининг фикрича, фильмнинг ҳақиқий хазинаси айнан ҳажвий қаҳрамон Женнифер Кулиж бўлган.

Хэтти Макданиэл — Вивиьен Ли («Шамолларда қолган ҳисларим»)

«Шамолларда қолган ҳисларим» фильми бирданига 8 та «Оскар» олди. Вивиьен Ли «Асосий аёл қаҳрамон» номинациясини қўлга киритган. «Оскар» мукофотини Хетти Макданиэл ҳам олган. Аммо у энг яхши ёрдамчи актриса сифатида мукофотга сазовор бўлган.

Вупи Голдберг — Деми Мур («Арвоҳ»)

Экстрасенс Ода Мей Браун ролини ижро этган Вупи Голдберг Деми Мурни ортда қолдириб, актёрлик маҳорати учун «Оскар»ни қўлга киритди. Унинг истеъдоди кўплаб кино танқидчиларининг шарҳларида қайд этилган. The New York Times шарҳида айтилишича, «Голдберг ҳақиқатан ҳам ўзига мос келадиган ролини топди ва экранда у қўлидан келган ҳамма нарсани қилади».