Mashhurlikda filmdagi bosh qahramondan ham o‘tib ketgan ikkinchi darajali personaj rolini o‘ynagan aktyorlar (foto)

Gollivud filmlarida ko‘pincha bitta bosh qahramon bo‘lib, butun sujet uning atrofiga quriladi. Bu tomoshabinlar e’tiborini jalb qilishni osonlashtiradi. Ammo ba’zida ikkinchi darajali qahramon rolini o‘ynagan aktyorlar bosh qahramondan ham mashhur bo‘lib ketadi va tomoshabinlar qalbini zabt etadi.

Jodi Komer — Rayan Reynolds (“Bosh qahramon”)

“Bosh qahramon” komediyasida Jodi Komer birdaniga 2 ta rolni ijro etgan: dasturchi Milli va o‘yin qahramoni. “Yevani o‘ldirish” serialidan keyin esa yana bir bor o‘zini ajoyib va ​​ko‘p qirrali aktrisa sifatida ko‘rsata oldi. Aktrisaning ijrosi film rejissori Shon Levi tomonidan yuqori baholangan. Uning fikricha, Jodi Komer boshqa aktrisalarga o‘xshamaydi. Shon Levi hatto bunday iste’dod har 10 yilda bir marta paydo bo‘lishini ta’kidlagan.

Ana de Armas — Daniel Kreyg  (“O‘lish vaqti emas”)

Filmning so‘nggi qismida maxsus agent Paloma rolidagi Ana de Armas paydo bo‘ladi. Uning personajiga kam vaqt ajratilgan bo‘lishiga qaramay, Bond bilan tanishuv sahnasi va undan keyingi harakatlar juda yorqin bo‘lib chiqdi. Shu darajadaki, qahramonning muxlislari u haqida alohida film talab qilishdi. “Men faqat Palomaga bag‘ishlangan spin-ofni ko‘rishni xohlardim. Bu ajoyib bo‘lardi”, deb yozadi Reddit foydalanuvchisi.

Keyt Uinslet — Maykl Fassbender (“Stiv Jobs”)

Stiv Jobs filmida Keyt Uinslet Apple kompaniyasining marketing bo‘limi boshlig‘i Joanna Xoffman rolini ijro etgan. Filmdagi shu roli uchun “Oskar”ga uning nomzodi qo‘yildi, ammo mukofot boshqa nomzod Alisiya Vikanderga nasib qildi. Keyt Uinsletning ijrosi BAFTA bilan taqdirlandi.

Rianna — Kara Delevin  (“Valerian va ming sayyoralar shahri”)

Lyuk Bessonning fantastik filmi tanqidchilar tomonidan turlicha baholandi, ular xom sujet va zaif aktyorlik ishini tanqid qildi. Biroq Rianna ijro etgan Babbl ismli qahramonning yorqin raqs sahnasi ko‘pchilikni befarq qoldirmadi.

Maykl Shennon — Jeyk Jillenxol (“Tun qorong‘isida”)

Aktyor Maykl Shennon modelyer Tom Fordning estetik jihatdan benuqson filmida detektiv rolini ijro etgan. U “Ikkinchi plandagi eng yaxshi aktyor” nominatsiyasi bo‘yicha “Oskar”ga nomzodi qo‘yildi, biroq “Oy nuri” filmidagi aktyor mukofotga sazovor bo‘ldi.

Bill Myurrey — Jessi Ayzenberg (“Zombilandiyaga xush kelibsiz”)

Film sujetiga ko‘ra, Bill Myurrey qahramoni o‘zining oddiy hayotini davom ettirish, filmlar tomosha qilish, golf o‘ynash, lekin shu bilan birga xavfsiz bo‘lish uchun zombi ko‘rinishida grim qilib oladi.

Jennifer Kulij — Riz Uizerspun (“Qonundagi mallasoch”)

Aktrisa Jennifer Kulij filmda Polet ismli go‘zallik saloni xodimi rolini o‘ynaydi. Reddit foydalanuvchilarining fikricha, filmning haqiqiy xazinasi aynan hajviy qahramon Jennifer Kulij bo‘lgan.

Xetti Makdaniel — Vivien Li (“Shamollarda qolgan hislarim”)

“Shamollarda qolgan hislarim” filmi birdaniga 8 ta “Oskar” oldi. Vivien Li “Asosiy ayol qahramon” nominatsiyasini qo‘lga kiritgan. “Oskar” mukofotini Xetti Makdaniel ham olgan. Ammo u eng yaxshi yordamchi aktrisa sifatida mukofotga sazovor bo‘lgan.

Vupi Goldberg — Demi Mur (“Arvoh”)

Ekstrasens Oda Mey Braun rolini ijro etgan Vupi Goldberg Demi Murni ortda qoldirib, aktyorlik mahorati uchun “Oskar”ni qo‘lga kiritdi. Uning iste’dodi ko‘plab kino tanqidchilarining sharhlarida qayd etilgan. The New York Times sharhida aytilishicha, “Goldberg haqiqatan ham o‘ziga mos keladigan rolini topdi va ekranda u qo‘lidan kelgan hamma narsani qiladi”.