Бугун,

  • USD 11095.31
  • RUB 173.84
  • EUR 10772.44

Шавкат Мирзиёев 1 март куни ўтказилган видеоселектор йиғилишида Таълим тизимида хотин-қизлар учун яна бир қатор кенг имкониятлар яратилаётгани ҳақида гапиргани тўғрисида хабар берилганди. Президент матбуот котибининг ёзишича, 2022—2026 йилларга мўлжалланган Хотин-қизлар таълимини қўллаб-қувватлаш дастури қабул қилинади.

Фото: Президент матбуот котиби

Фото: Президент матбуот котиби

Дастур доирасида айни пайтда аёллар улуши паст бўлган аниқ фанлар, техника ва ҳуқуқшунослик йўналишидаги ОТМларда хотин-қиз талабалар улуши ҳозирги 24 фоиздан 40 фоизгача етказилади. Бунинг учун ҳар йили хотин-қизларнинг талаба бўлишига квотанинг камида 50 фоизи аниқ фанлар, техника ва ҳуқуқшунослик йўналишлари учун мақсадли ажратилади.

Янги ўқув йилидан бошлаб олийгоҳ, техникум ва коллежларда ўқиётган қизларга таълим контрактларини тўлаш учун илк маротаба, 7 йил муддатга фоизсиз кредит бериш жорий қилинади.

«Бу имконият ҳали бизнинг тарихимизда, умуман бўлмаган», — дейди Шавкат Мирзиёев.

Аввалроқ Ўзбекистонда «аёллар дафтари»га киритилган ёлғиз аёлларнинг фарзандлари ҳам боғчага имтиёзли рўйхат асосида қабул қилиниши, вилоят ҳокимлари маҳаллий бюджет ҳисобидан 100 нафардан хотин-қизларнинг контракт пулини тўлаб бериши, Наманганда боқувчисини йўқотган хотин-қизларнинг 100 нафарига бир йиллик контракт-тўлов пуллари тўлаб берилгани тўғрисида хабар берилганди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
Марказий банк раисининг крипто-активлар бўйича маълумоти рад этилди